அன்பான உறவுகளே!
காலத்துக்கு ஏற்றாப்போல் எமது உதவித்திட்டங்கள் 2010 ம் ஆண்டில் இருந்து இன்று வரை நகர்ந்து கொண்டு இருக்கின்றது.கிளிநொச்சி மாவட்ட கைத்தொழில் அபிவிருத்திச் சபையின் ஒத்துழைப்புடன்
“தொழில் வாய்ப்பு உருவாக்கலும் அதற்கான வழிகாட்டலும்” எனும் கருப்பொருளின் கீழ்,
கிளிநொச்சி வட்டக்கச்சி மாயவனூர் “உதவும் இதயங்கள் கிராமிய முற்போக்கு மகளீர் ஒன்றியத்தின்” வேண்டுகோளுக்கு அமைவாக கிளிநொச்சி மாவட்ட கைத்தொழில் அபிவிருத்திச் சபையின் ஆதரவோடு, கிராம மட்டங்களில் சுய தொழில் முயற்சியாளர்களை உருவாக்கும் நோக்கில், இந் நிகழ்வானது இன்றைய தினம்(01.02.2023) வட்டக்கச்சி மாயவனூர் அறநெறி மண்டபத்தில் இடம்பெற்றது.
குறித்த செயற்திட்டத்திற்கான முழுமையான அனுசரணையை “உதவும் இதயங்கள் நிறுவனம் யேர்மனி” (Helping Hearts Foundation Germany) வழங்கியிருந்தமை குறிப்பிடத்தக்கது.
இந் நிகழ்வில் கலந்துகொண்ட தொழில் முயற்சியாளர்களுக்கான வழிகாட்டல் கருத்தரங்கை, கிளிநொச்சி மாவட்ட கைத்தொழில் அபிவிருத்திச் சபையின் உதவிப் பணிப்பாளர் திரு தி.தனம் வழங்கியிருந்ததுடன், இந் நிகழ்வில் திரு ம.மயூரன் மற்றும் திரு த.ரஜீவன்(ஈழத்து எழுத்தாளர் வவுனியூர் ரஜீவன்) ஆகியோரும் பங்குபற்றியிருந்தனர்.
இந் நிகழ்வு தொடர்பில் மேலும் தெரியவருகையில்,
குறித்த நிகழ்வில் பங்குபற்றிய தொழில் முயற்சியாளர்களுக்கு எதிர்வரும் வாரத்தில் உணவு உற்பத்தி தொடர்பான பயிற்சியும்(சிற்றுண்டி), இயற்கை வளங்களைப் பயன்படுத்தி கோழி மற்றும் கால் நடைகளுக்கான தீவனம் தயாரிப்பு பற்றிய பயிற்சியும்,கச்சான் உற்பத்திகள் போன்றவற்றுக்கான பயிற்சிகளும் வழங்கவுள்ளமை குறிப்பிடத்தக்கது. குறித்த உற்பத்திகளுக்கான முழுமையான சந்தை வாய்ப்பும் ஏற்படுத்தி கொடுக்கப்படவுள்ளமை குறிப்பிடத்தக்கது.
இவ்வாறான திட்டத்தை கிராமத்தின் வளர்ச்சிக்காக நடைமுறைப்படுத்திய “உதவும் இதயங்கள் நிறுவனம் யேர்மனி” (Helping Hearts Foundation Germany) மற்றும் கைத்தொழில் அபிவிருத்திச் சபை ஆகியோருக்கு, நிகழ்வில் பங்கு பற்றிய தொழில் முயற்சியாளர்கள் தமது நன்றிகளையும் பாராட்டுக்களையும் தெரிவித்திருந்தனர்.
உதவும் இதயங்கள் நிறுவனம்
Reg.No:GA 3484 Helpin Hearts Foundation (Srilanka) Reg.No:VR462552 Germany- Branch: Swiss/UK
E.Mail:helpinghearts2013@gmail.com Website:helpngheartstamil.com Te:00491772061431